Вардар

 
Вардар - Вруток Вардар - Вруток Вардар - Вруток Вардар - Вруток
кликни на сликите за поголема верзија

Во срцето на гостиварските природни убавини секако се наоѓа изворот на најголемата македонска река Вардар.

Таму над селото Вруток, во еден долински усек на апсолутна надморска височина од 683 м. убаво се сместил изворот на едно од најголемите македонски богатства. Од изворот кон селото Вруток и понатаму вардаровото корито се повеќе се проширува, па на места се стеснува, мирно тече низ рамнини и села, па на места подивува, се искривува пред својот излез од Гостивар. Вистинска природна убавина, одмор за човечките очи.

Но, од изворот па следејќи го нејзиниот тек низ населените места, реката ја изгубила својата чистота и убавина. Таа се претворила во депонија, во ѓубриште на несовесни луѓе. Да го исчистиме тоа ѓубриште и да го сочуваме нашето богатство, за повторно да блесне Вардаровата убавина и нашиот срам повторно да стане наша гордост, нашата вистинска река Вардар.

Вардар е најдолга и најзначајна река во Македонија. Неговата вкупна должина изнесува 388 км, од кои на нашата земја и припаѓа 301 км. Има композитна долина со среден проток кај Гевгелија од 144,9 м³/с. На својот тек низ Републиката прима 37 поголеми притоки меѓу кои 15 од десната и 22 од левата страна. Меѓу нив позначајни се: Пена, Лепенец, Пчиња, Брегалница, Треска, Маркова Река, Тополка, Бабуна и Црна Река.
Повеќе информации ќе најдете на www.water.org.mk.